Verður eitthvað eftir í láglaunabuddunum?

Ber einhver traust til verkalýðsforystunnar í dag frekar en stjórnvalda? Nú standa yfir samningar um laun alþýðunnar á íslandi sem getur engan veginn lifað á þeim launum sem hún fær í dag. Og eins og áður hefur gerst, dreifast launahækkanir trúlega yfir þrjú ár og verða, þegar upp er staðið, ekki miklar. Á sama tíma eru sendar yfirlýsingar í loftið sem líklega eiga að hræða menn til undirskrifta. Meðal annars fela þessar yfirlýsingar í sér að launahækkanir séu svo miklar að hækka verði vörur og þjónustu í beinu framhaldi. Eru þeir ekki þegar búnir að því? Auðvitað munu frekari hækkanir verða, þannig að þær launahækkanir sem samið verður um eru í raun engar eða minni en engar. Ég veit ekki hvert þetta land stefnir, en man fólk ekkert frá degi til dags? Hafði einhver áhyggjur af verðhækkunum þegar ofurlaun bankamanna þutu upp aftur? Eða tók einhver eftir því þegar það gerðist? Forkólfar verkalýðsforystunnar hafa meira að segja leift sér að segja að verkafólk á Íslandi verði alltaf lágt launað, er það á stefnuskrá þeirra sem eiga að berjast fyrir betri kjörum?

Þrjár eingreiðslur

Hamingjan býr í íslendingum

Ég held að Weiner hafi mikið til síns máls og er ekki alveg að fatta bloggið um hamingjuna í flöskunni hér á undan.  Það eru nú ekki allir Íslendingar alltaf fullir eða..?  Ég held við séum yfirleitt frekar ákveðin, dugleg og ánægð með lífið.  Er ekki sér íslenskt máltækið..þetta reddast?  Og sem dæmi: eftir að kreppan skall á og erfiðleikar fóru að kníkja dyra hjá ansi mörgum hér á landi, hef ég ekki heyrt uppgjöf í fólki heldur eru flestir í því að leita leiða, þrátt fyrir pirring og reiði út í stjórnvöld.  Við höldum okkar striki, fækkum utanlandsferðum en hættum ekki að hafa gaman af því að vera til....við erum bara hamingjusöm á öðrum vettvangi en áður.  ÞETTA REDDAST ALLT SAMAN!

Segir Íslendinga enn hamingjusama

Ofbeldi er einfaldlega ofbeldi!

Ég get eiginlega ekki orða bundist eftir að hafa heyrt og lesið umræðu um þessa frétt.  Einhver talar um að það vanti ástæðu árásarinnar og þar af leiðandi fáum við ekki að vita hvort fórnarlambið hafi KALLAÐ ÞETTA YFIR SIG.  Svona til að það sé á hreinu, þá á beiting ofbeldis aðdrei að vera eitthvað sem við afsökum eða reynum að réttlæta.  Þetta er ekki fyrsta svona fréttin sem við heyrum og bara í Árborg hefur slíkt gerst meðal barna innan grunnskólans, eins og trúlega víðar á landinu.  Hvað er í gangi skil ég ekki eða hvers vegna maður hefur á tilfinningunni að það sé að aukast að fólk taki sér leyfi til að berja á öðrum af ótrúlegustu ástæðum, eða að það skuli yfirleitt þurfa heilan hóp á einn einstakling.  Er hugsanlegt að ástæðan sé sú að þau komast upp með þetta án þess að taka út einhverskonar refsingar?  Mér finnst reyndar að oftar komi refsingin niður á fórnarlambinu sem getur ekki stundað skólann í einhvern tíma á eftir og gerendur sitji eftir sem félagslegir sigurvegarar. 

Hópur unglinga réðist á einn

Davíð Dæmalausi!

Er ekki alveg yndislegt hvernig Davíð Oddsson kemst alltaf upp með að halda fólki í lausu lofti, beinlínis með hálfgildings hótunum í bland við hrokafullar yfirlýsingar.  Enn einu sinni mætir drottning í viðtal, og þar sem allt virðist erfitt og hugsanlega á leið í strand, þá kemur hótun:  Ef þið verðið ekki góð við mig  þá skal ég.......  Hræðir hann einhverja með þessu?  Ætli sjálfstæðisflokkurinn myndi nokkuð græða á því að fá hann aftur á vígvöllinn?  Held ekki, þess vegna fer hann áfram með stjórn seðlabankans, og hver veit hvað meira, ef ekki verða kosningar á næstunni og þar með skipt út í brúnni. 

Hvað á þetta að ganga lengi, að enginn þurfi að axla ábyrgð á neinu, þetta er eins og á leikskólanum...Þetta gerðist bara allt.  Og við, ALMENNINGUR í landinu, eigum bara að þegja, hlýða og laga til eftir toppana, er þetta í lagi? 

Miserfitt að hætta í pólitík

Látum skoðanir okkar heyrast..!!

Frábært að sjá að fólk lætur í sér heyra af og til...Þetta er búið að vera þvílíkt valdatafl í borginni undanfarið að borgin og borgarbúar hljóta á ýmsan hátt að líða fyrir.  Mér finnst í raun frábært að mótmæli eru að færast í aukana á Íslandi.  Á meðan þau fara friðsamlega fram, en ekki fer á milli mála um hvað ræðir, þá er þetta fín leið fyrir okkur almenning í landinu til að reyna að hafa áhrif á stjórnvöld.  Reyndar ættum við líka að sýna hug okkar og leggja áherslu á ánægju eða óánægju þegar kemur að því að ráðstafa atkvæðum okkar í kosningum, en einhvern veginn finnst mér það oft ekki gerast nógu afgerandi....Vonandi á það eftir að breytast í kjölfar þess að fólkið í landinu lætur meira í sér heyra þegar á reynir!!

Mótmælt fyrir utan ráðhúsið

Svartur-Hvítur? Karl-Kona?

 Miðað við gengi þessara forkosninga í Bandaríkjunum, sem eru óvenju spennandi og skemmtilegar, er langt frá því að vera ljóst hver verður næsti forseti þar í landi.  Mér finnst óvenju spennand að fylgjast með gangi mála og velta fyrir mér hver úrslitin gætu orðið, þó ég verði að viðurkenna að ég skil ekki vel kerfi þeirra bandaríkjamanna.  Ég er kannski minna að velta fyrir mér hinum pólitísku flækjum og hugsanlegri framvindu mála í ljósi þeirra, heldur stöðu mála eftir kosningar ef um verður að ræða breytingar.  Forseti Bandaríkjanna er áberandi og sterkt afl í heiminum ef svo ber undir og ef hann ætlar sér, of sterkt að mínu mati ef við lítum til styrjalda í heiminum og hinna ýmsu afskipta þeirra víða um heim, þó ekki sé þar allt slæmt.  Hverju má búast við ef næsti forseti verður kona..gift fyrrum forseta, eða ef hann verður svartur vinstri sinni?  Mér finnst í raun engu skipta hvort um verður að ræða karl eða konu, svartan eða hvítan, heldur þarf heimurinn á áberandi, friðelskandi, félagslega sinnuðum leiðtoga að halda í stað hinna stríðselskandi og valdagráðugu.  Obama eða Clinton...hvort um sig góður kostur.

Hver verður valinn??

Hver skyldi svo verða næsti forseti Bandaríkjanna??  Í ljósi sögunnar væri gaman að sjá svartan forseta..og kannski tími til kominn.  Annars er ég nú svolítið hrifin af tilhugsuninni um Hillary og Clinton í hvíta húsið á ný....

Baráttan á eftir að harðna